Gallery

ຈຳປາສັກ - CHAMPASAK

ເຈມມີ້ - ໄຊສົມພອນ ເພັດແພງລາສີ

JAMEMY - XAYSOMPHONE PHETPHENGLASY

ຮູ້ຈັກໃຫ້ຫລາຍຂຶ້ນ

-ເຈມມີ້ ເກີດແລະເຕີບໃຫຍ່ທີ່ ເມືອງປາກເຊ ແຂວງ ຈຳປາສັກ ກຳລັງສຶກສາຢູ່ທີ່ ມະຫາວິທະຍາໄລຈຳປາສັກ ປີ1 ຄະນະເສດຖະສາດ. ເປັນຄົນມັກອອກກຳລັງກາຍ ໂດຍສະເພາະ ກິລາລອຍນ້ຳ, ເຕະບານ, ເຈມມີ້ ເຊື່ອວ່າ ຖ້າເຮົາຮັກສາຮຸ່ນໃຫ້ດີສະເຫມີ ມັນຈະກາຍເປັນສະເຫນ່ຫນຶ່ງຂອງຜູ້ຊາຍໃນຍຸກປະຈຸບັນ ກໍ່ເລີຍເຂົ້າຟິດເນັດເປັນປະຈຳ ແລະ ມັກເຮັດຄິບຄອນເທັ້ນອອກກຳລັງກາຍ ຮັບງານລີວີວສິນຄ້າຕ່າງໆ. ການມາປະກວດຄືກັບການເປີດໂລກໃບໃຫມ່ຂອງ ເຈມມີ້ ມັນເຮັດໃຫ້ຮູ້ເຖິງການພັດທະນາໂຕເອງ ໃຊ້ຄວາມຮູ້ຄວາມສາມາດ ພອນສະຫວັນ ວິໃນທັງຫມົດ ເຂົ້າໃສ່ການປະກວດ ເພື່ອໃຫ້ໄປເຖິງຈຸດສູງສຸດ ໃນຖານະໂຕແທນ ຈຳປາສັກ ເຈມມີ້ ຫວັງຢາກເປັນຄົນທຳອິດ ທີ່ໄດ້ຄອບຄອງຕຳແຫນ່ງສູງສຸດ Mister Universe Laos 2026 ເພື່ອເຮັດໃຫ້ທຸກໆຄົນພູມໃຈ. ເປົ້າໝາຍ ຢາກເປັນຄົນທີ່ມີຊື່ສຽງ ແລະ ເປັນນາຍແບບລະດັບໂລກ ເພື່ອເປັນແຮງບັນດານໃຈໃຫ້ກັບໄວໜຸ່ມລາວຫັນມາອອກກຳລັງກາຍ ດູແລໂຕເອງ. ສິ່ງທີ່ທ້າທາຍ ຄືການລອງເຮັດສິ່ງໃຫມ່ໆ ກ້າເຮັດໃນສິ່ງທີ່ໂຕເອງຢ້ານ ລົງມືເຮັດໂດຍບ່ໍຕ້ອງຖ້າໂຕເຮົາພ້ອມແບບ100ເປີເຊັນ